Alex Txikonen "Mendi Biluzia" dokumentala proiektatuko dute domekan

Alex Txikonek Nanga Parbat mendira neguan egindako lehenengo igoerari buruzko Mendi biluzia izeneko dokumentala proiektatuko dute Areetako Musika Eskolan domekan, azaroaren 8an, 12:00etan. Ekitaldia EKI Fundazioak antolatu du, Getxoko Udalaren laguntzagaz.

Udalerrian egoitza duen EKI Fundazioak energia elektriko autonomoko iturriak (eguzki-energia fotovoltaikoa, batez ere) ematen dizkie txirotutako herrialdetako hezkuntza-zentroei, osasun-zentroei eta gizarte-intereseko zentroei. Alex Txikon Fundazioaren laguntzaile aktiboa da eta, beraz, ekitaldian bertaratutakoen ekarpenen bidez bildutako dirua eguzki-proiektu berriak garatzeko izango da. Norbaitek joateko interesa izango balu e-mail bat idatzi beharko du info@fundacioneki.org helbidera, izena, abizenak, telefono zenbakia eta NANa jakinaraziz.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun