Bariku honetan, hilaren 4an, isiotuko dute Getxoko Gabonetako argiztapena, 18:30ean. Argiok datorren urtarrilaren 6ra arte egongo dira piztuta. Denera, 235.000 euro bideratu dituzte ekimen horretarako.
Hiru urte dira Udalak argiztapen horren kudeaketa osoa bere gain hartzen duela, eta, eskura dauden baliabideak kontuan hartuz (235.000 euro), komunitate-erabilerako udal eremuak argiztatuko ditu, hala nola udalerrirako sarrerak, plazak, parkeak, udal eraikinetako fatxadak, kiroldegiak eta udalerriko auzoetan jarduera ekonomiko gehien duten ardatzak eta zentroak, betiere helburu argi batez: instalazio homogeneo, ordenatu, seguru eta indarrean dagoen araudiagaz bat datorrena egitea.
Argiak pizteko ordutegia hurrengoa izango da: 07:00etatik 08:30era eta 17:30etik 22:15ak arte.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
