Aurtengo ezohiko saninazioetako jai-zapien salmentatik 1.600 euro bildu ditu Algortako jai-batzordeak. Diru hori udalerriko elkarteak, komertzioa eta ostalaritza bultzatzeko bideratuko dutela agindu zuten antolatzaileek, ekimena martxan jarri bezain laster. Hala, Zabalketak kudeatzen duen SolidaridUp mugimenduaren esku utziko dute diru-kopuru hori, behar gehien dutenen artean bana dezaten.
Algortako jai-batzordeko kideek jakinarazi dutenez, SolidaridUp mugimenduaren esku utziko dituzte 2020ko San Inazio festetako zapien salmentetatik lortutako 1.600 euroak. Izan ere, azaldu dutenez, Zabalketak denbora darama gaur egun beharra dutenak laguntzen eta SolidariUP ekimena antolatzen, "oso modu egokian". Hala, diruaren banaketa beharra dutenen artean "modu orekatu" batean egingo dutelakoan, elkarte horrengan konfiantza osoa jarri dute jai-batzordekoek.
Diruaren banaketa herriko komertzioen bitartez egingo dutela iragarri dute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
