Jendaurrean berba egiteko gaitasunak eta segurtasuna garatzeko ikastaroa antolatu du urtarril-otsailerako Getxoko Udalak. Saioak Algortako Martikoena 16 kaleko Jabekuntza Eskolan izango dira, martitzenetan, 18:00etatik 20:30era. Ideia da eskolak aurrez aurre ematea; ezinezkoa izatekotan, online egingo dute.
Arduradunek azaldu dutenez, norberaren beldurrak identifikatu eta aztertuko dituzte, eta beldur horiei aurre egiteko teknika zehatzak praktikan jarri ere, "betiere generoak komunikazio-prozesuetan duen eragina kontuan hartuta". Horrez gainera, diskurtsoaren elaborazioan jarriko dute arreta.
Ikastaroa urtarrilaren 19tik otsailaren 16ra arteko martitzenetan izango da, eta metodologia parte-hartzailea erabiliko dute horretan; teoria, praktika eta taldeko hausnarketak uztartzen dituena. Ez da beharrezkoa euskara maila altua izatea.
Informazio gehiagorako, www.getxo.eus
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
