Enrique San Franciscoren "La penúltima" ikuskizuna, bertan behera

Urtarrilaren 23rako Getxoko Muxikebarri zentroan programatuta zegoen Enrique San Franciscoren La penúltima ikuskizuna bertan behera geratu da artistaren osasun-arazoak direla eta. Online edota orotarako kutxazainen bitartez erositako sarreren zenbatekoa automatikoki itzuliko zaie erosleei. Gainerako kasuetan, Muxikebarriko txarteldegira joan beharko da (astelehenetik barikura 10:00-13:00 / 17:30-19:30 ordutegian edota ikuskizuna dauden egunetan, emanaldia hasi baino ordubete lehenagotik).

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun