“Marmara Musik” jazz-taldeak irekiko du zapatuan, urtarrilaren 23an, Areetako Andres Isasi Musika Eskolan "Neguko Bidaia" kontzertu zikloaren hamahirugarren edizioa. Aurten, osasun-krisiak eragindako edukiera murrizketak direla eta, kontzertuak bi emanaldi izango ditu: 18:15ean eta 20:00etan. Sarreraren prezioa 5 eurokoa da, eta, bakoitzaren ondoren, solasaldi batean parte hartuko dute publikoagaz.
“Marmara Musik” musikari bizkaitarren seikotea 2001ean sortu zen eta honako musikarek osatzen dute: Esteban Valcarcel (tronpeta), Jon Etxeandia (klarinetea eta ahotsa), Dani Lara (tronboia eta ahotsa), Oscar Andollo (bateria), Aitor Mujika (gitarra) eta Ander Lozano (tuba). Kontzertuaren errepertorioan jazz tradizionaleko obrak, New Orleans eta Swing izango dira.
Informazio gehiago eta egitaraua, hemen.
Oharra: "Marmara Musik" jazz taldeak zapatuan, urtarrilaren 23an, Areetako Andres Isasi Musika Eskolan "Neguko Bidaia" kontzertu zikloaren barruan eskaini nahi zuen kontzertua bertan behera utzi dute, kideetako bat gaixorik dagoelako.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
