Algortako Etorbideko 68 zenbakiko eraikina "berehala erortzeko arriskuan" dago; hori dela eta, Getxoko Udaltzaingoak trafikoa moztu du kale horretan, Mariandresena eta Txiskiena kaleen arteko zatian. Hala, Algortako sarrera- eta irteera-zirkulazioa Euskal Herria kaletik egin beharko da.
Aipatutako eraikinaren egoera zer-zelakoa den ondorioztatu du udal-arkitektoak txosten batean, Udaltzaingoak Udaleko zerbitzu-teknikoa eskatu ondoren. Izan ere, azaldu dutenez, Algortako Etorbideko 68 zenbakiko eraikin horretan pitzadurak agertu dira, eta fatxadako harri bat erori da duela gutxi.
Udala eraikinaren jabeagaz harremanetan jarri da, erorketen unean azpiegitura hutsik baitzegoen. Hala, berehala, pertsonen arriskua ekiditeko esku har dezala eskatu diote. Arrisku hori saihestu arte, trafikoa etenda egongo da bide-zati horretan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
