Amaia Agirre Getxoko alkateak, Getxoko Udaleko alderdi politiko guztien ordezkariakaz batera, omenaldia egin die gaur goizean Gerra Zibileko, Gerra Zibileko eta frankismoko biktimei. 2009ko ekainean osoko bilkuran aho batez hartutako akordioagaz bat etorriz, aipatutako biktimei errespetua, oroitzapena eta bihotz-bihotzetiko omenaldia aitortu zaie jendaurrean, adiskidetasuna eta elkartasuna ardatz hartuta.
Ekitaldia Galeako pasealekuan dagoen Oroimenaren liburua eskulturaren ondoan izan da, hamaikagarren urtez, eta alderdi politiko guztien adostasunaz.
Txistulariek Agur Jaunak jo ondoren, minutu bateko isilunea gorde dute bertaratutakoek eta lore-eskaintza egin da eskulturaren aurrean.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!