Gabonetakoen ondoren, udaberriko koloniak prestatzeari ekin dio Bizarra Lepoan euskara-elkarteak. COVID-19ak ezartzen dituen neurri guztiak hartuta, Bapiruke egitasmoa egingo dute martxoaren 29tik apirilaren 9ra bitartean; horretarako izen-ematea otsailaren 22tik 24ra izango da.
Bapiruke Udaberriko koloniak 5 eta 12 urte bitarteko umeei zuzenduta daude; hau da, 2009 eta 2016 urte bitarteen artean jaiotakoentzat (biak barne). Guztira, 30 neska-mutilentzako lekua egongo da bakarrik, beraz, izen-ematea beharrezkoa izango da, otsailaren 22tik 24ra bitartean.
Antolatzaileek azaldu dutenez, kolonia horietan parte hartzen duten umeak herrian jolastuko dira, eta eguneko txangoak egingo dituzte. Egoera berezia dela eta, ez da egun osoko txangorik egingo; hala, egunero, ordutegia goizeko 9:00etik eguerdiko 13:30era izango da.
Informazio gehiagorako, hemen.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
