Egitasmo berriari lotuta Carmen Diaz Gizarte Kohesioko zinegotziak azaldu duenez, "erakundeen, mugimenduen eta proiektuen arteko lankidetza sareak sortzea da helburua, horien bidez gure udalerrian kohesio sozialaren aldeko zurrumurruen aurkako diskurtso sendoa eraikitzeko".
Aldi berean, Getxon batzen gaituena izenburuko bideoa zabalduko da, Zurrumurruen aurkako Eragileen parte-hartze lana azaltzen duena. Hori Udalaren webgunean ikusgai dago.
Zurrumurrurik Ez eragileen bilerak
Gazte eta helduek osatutako Zurrumurrurik Ez eragileen sareek hileroko bileretan parte hartzera animatzen dituzte, sentsibilizazio-ekintza berriak prestatze aldera. Helduen sarearen hurrengo bilera otsailaren 24an izango da, 18:00etan, Villamonteko kultur etxean (aldez aurretik izena eman behar da antirumores@getxo.eus helbidean edo 662425662 telefono zenbakian, edukiera kontrolatzeko).