"Lurtarrak" liburuaz arituko dira martxoko Irakurzaleen Txokoan

Xabier Monasterio idazlea Getxora gerturatuko da martxoaren 3an, eguaztenean,  Lurtarrak liburuaz berba egiteko Irakurketa Mailakatuko solasaldian. Antolatzaileek azaldu dutenez, berbaldi hori Uribe Kostako Irakurzaleen Txokoko jardunaldien barrukoa da, baina, martxotik aurrera, Irakurketa Errazaren irakurketa-klubaren hasierari emango dio horrek.

Uribe Kostako Irakurzaleen Txokoan 2021 urteari jarraipena emateko, martxoaren 3an, eguaztenean, irakurketa mailakatuko solasaldiaren hitzordua dute. Oraingoan, Xabier Monasterio gonbidatu dute, Lurtarrak liburuaz berba egiteko. Algortako Fadura kiroldegiko areto nagusian jarri dute hitzordua, 10:00etan eta 19:00etan.

Antolatzaileek jakinarazi dutenez, solasaldi hori Uribe Kostako Irakurzaleen Txokoko jardunaldien barrukoa da, baina, martxotik aurrera abiatuko duten ekimen bati hasiera emango dio horrek: Irakurketa Errazaren Irakurketa Kluba.

Interesa dutenek aldez aurretik izena eman beharko dute, hurrengo formularioaren bidez datuak beteta: labur.eus/lurtarrak.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun