COVID-19 araudia ez betetzeagatik 155 zigor-proposamen egin dituzte aste-akabuan Getxon

Artxiboko irudia.

Getxoko Udaltzaingoak jakinarazi duenez, 155 zigor-proposamen bideratu ditu azkenengo aste-akabuan COVID-19ari aurre egiteko araudia ez betetzeagatik. Ohi bezala, arau-hauste gehienak izan dira gaueko mugikortasun-ordutegia ez errespetatzeagatik (39), lau pertsona baino gehiagoko taldeak osatzeagatik (35), eta kalean edari alkoholdunak kontsumitzeagatik (28).

Jarduera gehienak zapatuan izan ziren, egun horretan 90 espediente bideratu baitziren, horien artean 5 Kirol Portuan porturatutako itsasontzi batean antolatutako festa batean. Bestalde, 22:00ak aldera, pertsona bat atxilotu zuten Algortako etorbidetik zihoan ibilgailu baten aurrean jarri eta ostikadak emateagatik eta gidariagaz borroka eragiteagatik. Era berean, hiru gidari salatu zituzten baimendutako alkohol-tasa gainditzeagatik.

COVID-19 datuak Uribe Kostan

 

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun