Algortako Alango plazako jolaslekua osorik berritzeko eta Areetako Eskoletako plazako jolastokiko segurtasun-zoladura berritzeko lanak abiatu dituzte gaur, martitzenean. Jarduketok egiteko epea aste bikoa izango dela iragarri dute udal-arduradunek.
Alango plaza itxi egingo da jendeak ez erabiltzeko, egungo jolas guztiak kendu eta elementu berriak jartzeko. Ondoren, baldintza meteorologikoek uzten badute, segurtasun-lurzoru jarraitua aplikatuko da jokoen eremu berrian.
Eskoletako plazako jolasgunea ere jendearentzat itxiko da gaurtik aurrera, zoladura indargetzailea berritzeko lanak egiten diren bitartean.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!