Hamar edukiontzi erre dituzte bart Algortan

Iker Rincon Moreno 2021ko ots. 25a, 08:54
Erretako edukiontzietako bat, Kasune kalean. © BOMBEROS BIZKAIA

Getxoko udal-iturriek zehaztu dutenez, ezezagunek hamar edukiontzi erre dituzte bart, Algortako Aldapa (3), Kasune (4) eta Gaztelumendi (3) kaleetan. Goizean goiz, iturriek zortzi zirela zabaldu dute.

Iturriek azaldu dutenez, ezezagunek SOS Deiakera deitu dute, 04:30ak aldera, Algortako Gaztelumendi, Kasune eta Aldapa kaleetan hainbat edukiontzi erretzen ari zirela eta. Suhiltzaileak bertaratu eta sugarrak amatatu dituzte; Udaltzaingoak uste du suak nahita piztu direla, atestatua jaso du, baina ez da oraindino atxiloketarik egon.

Suteen ondorioz, edukiontziak erabat suntsituta gelditu dira, eta Aldapa kalean aparkatuta zeuden ibilgailu bi kaltetu dira. Zerbitzu teknikoak garbiketa-lanak egiten ari dira, eta edukiontzi berriak ahalik eta lasterren jarriko dituzte.

Jendartea Getxo
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun