“Getxotik Mundura, ondas de solidaridad” irrati saioa berriro abian

Getxoko Udalak Gobernuz Kanpoko Erakundeen bidez sustatzen duen lankidetzako garapen lanaren berri ematen duen Getxotik Mundura, ondas de solidaridad irratsaioa abian jarriko da berriro gaur, martxoak 4, 22:00etan, Vinilo FM irratian. Saioa eguenero emitituko da, martxotik ekainera eta urritik abendura bitartean.

Emisioetan GKEek Udalaren laguntzagaz bultzatutako ekimenak azalduko dira, eta, horrez gain, garapenerako lankidetzari eta jarduera solidarioei buruzko gaurkotasuneko gaiak ere jorratuko dira. Lehenengo programa Saharari buruz izango da, eta bertan Julio San Roman, Getxo Pro Sahara ATFAL taldeko kidea, Ioana Osa, Euskal Fondoako Saharako Koordinaziorako Unitatekoa eta Mohamed Liman Fronte Polisarioko Euskadiko ordezkaria egongo dira.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun