Getxoko Udalak DBHko hirugarren eta laugarren mailako ikasleen 1.470 familiari ekimenaren eta www.nahidudalako.eus webgunearen berri ematen dituen eskutitza bidali die. “Gure hizkuntza eta ondarearekiko maitasunaz aparte, lanerako zein harreman sareak sendotzeko elebiduna izateren onura eta garrantzia gogoraraztea da ekimen honen asmoa”, azpimarratu du Irantzu Uriarte Euskara zinegotziak.
Zozketa eta sariak
Webgunean egun dagoen hezkuntza eskaintzaren berri (Batxilergoa, Lanbide Heziketa eta Unibertsitatea) azaltzen da. Horregaz batera, etorkizunera begira izan ditzaketen hainbat zalantza argitzen saiatzen da. Gainera, webgunean sartu eta inkestan parte hartzen duten gazteek hainbat sari irabazteko aukera izango dute, hola nola, iPad (8th generation) Wi-Fi, HOMEPOD bozgoragailu inteligentea edo Kultura eta kirol materiala erosteko opari txartela (200 eurokoa).