Francisco Javier Urrechua Libanok, EAJren ordezkariak, 1980an eskuratu zuen alkatetza Javier Aguirre ordezkatzeko, zeina Eusko Jaurlaritzako Osasun sailburu izendatu zuten, eta 1983ra arte izan zen karguan; orduan Juan Ramón Barquín hautagai jeltzaleak ordezkatu zuen.
Francisco Javier Urrechua, Paquico, mediku analista, oso gizon maitatua eta ezaguna izan da, bai Algortan, betidanik bizi izan den auzoan, bai udalerriko gainerako auzoetan. Euskara eta euskal kulturagaz konprometitua, San Nikolas Ikastolaren sortzaileetako bat eta lehen presidentea izan zen 1963an.
Pertsonekiko, batez ere zaurgarrienekiko edo gaixoenekiko, izan zuen konpromisoak eraman zuen azken urteotan bere betiko parrokian, San Nikolas Bariko parrokian, modu aktiboagoan parte hartzera. Gaur astelehena, martxoak 8, 19:00etan bertan izango da haren hileta-elizkizuna.