Saioak apirilaren 12an hasiko dira, eta, horien bidez, jarduera fisiko osasungarriak egiten jarraituko da. Aldi berean, gizarteratzeko aukera ere emango da. Aurreko hilabeteetan bezala, talde egonkorrak osatuko dira Algortan eta Itzubaltzeta/Romon, eta honako aukera hauen artean aukeratu ahal izango dute: ibiltzea, kaleko gimnasia, orientazioa eta egokitze fisikoa. Jarduerak osasun-neurri guztiak (maskara, segurtasun tarteak, tenperaturaren kontrola…) betetzen eramango dira aurrera, eta horregatik partaide bakoitzak bere materiala erabili beharko du, esate baterako goma elastikoak eta toalla.