Getxoko Udalak hiru karpa jarriko ditu Osakidetzak COVID-19aren aurkako txertaketa masiboa egin dezan. Proposatutako hiru kokalekuok Eusko Jaurlaritzako Osasun Sailaren oniritzia jaso dute: Algortako Biotz Alai abesbatza plaza, Areetako Xake plaza eta Andra Mariko kiroldegiaren atzeko aparkalekua. Lekuotan neurri handiko karpak jarriko dira, txertoak jartzeko eta, ondoren, beharrezkoa den 15 minutuko itxaronaldia egin ahal izateko.
Algortako eta Areetako karpetara oinez sartu ahal izango da, eta Andra Marira autoz bakarrik. Azken horretan, autotik irten gabe egingo da txertaketa, eta 15 minutuz aparkatu ahal izateko nahiko leku izango da, martxa berriz hasi aurretik.
Iturriek azaldu dutenez, Udala arduratuko da karpa horiek muntatzeaz, instalazio elektrikoaz, garbiketa-, higiene-, larrialdi- eta ebakuazio-zerbitzuez. Bestalde, Osakidetza, gainontzeko talde hartzaileakaz gaur egun egiten ari den bezala, txertoak iristen direnean, harremanetan jarriko da hartzaileakaz, txertoa jartzeko hitzorduaren eguna eta ordua zehazteko.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
