Udaltzaingoak 178 salaketa bideratu ditu San Jose zubian osasun-araudia ez betetzeagatik

Ez-betetze ohikoenak honako hauek izan dira: ia erdia bide publikoan lau pertsonatik gorako taldeetan egotea (87 espediente), bide publikoan edari alkoholdunak kontsumitzea (38), gauez zirkulatzeko ordutegia ez errespetatzea (23) eta maskara ez eramatea (22).

Getxoko Udaltzaingoak 178 espediente bideratu ditu aste-akabuan, San Jose zubian, indarrean dagoen osasun arloko araudian beste horrenbeste arau-urratze egiteagatik: bide publikoan lau pertsonatik gorako taldeetan egotea (87 espediente), bide publikoan edari alkoholdunak kontsumitzea (38), gauez zirkulatzeko ordutegia ez errespetatzea (23) eta maskara ez eramatea (22).

Denbora tarte horretan ere, Udaltzaingoak zirkulazio-istripu bitan esku hartu behar izan zuen. Horietan, gidariak edari alkoholdunen eraginpean gidatzeagatik ikertu dituzte, trafiko-istripu banagaz zerikusia dutelakoan. Lehenengoak baimendutako tasa hirukoizten zuen, eta bigarrenak laukoiztu. Kasu bietan, dagozkion eginbide penalak bideratu dira Agintaritza Judizialaren aurrean.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun