Getxoko PPk gogoratu du horretarako egokituta ez dauden guneetan aparkatzen dutela autokarabanek gaur egun. Hori dela eta, bidaiari horien paradak erosoago egiteko asmoz, ura, elektrizitatea eta garraio-publikoagaz lotura izango lukeen gune bat sortzea proposatu dute popularrek, "horretarako aukera asko dagoelako udalerrian, hala nola Diliz estratan".
Getxoko PPk autokarabanen turismoa bultzatu gura du udalerrian. Horretarako, ibilgailu horientzako egokitutako gune bat egitea proposatu du. "Getxon ez dago autokarabanentzako aparkaleku zehatzik. Hori dela eta, erabiltzaileek Portu Zaharrean edo bestelako lekuetan aparkatu beharra izaten dute. Hala ere, gune horiek ez daude egokituta geldialdi lasaiak egiteko; ez dago uri, ezta elektrizitaterik ere", azpimarratu du Eduardo Andrade bozeramaile popularrak.
PPkoak azaldu duenez, azken urteotan turismo ibiltaria deitutakoak gora egin du nabarmen, eta are gehiago orain, COVID-19ren ondorioz, batez ere urruntze sozialerako erraztasun handiagoa eskaintzen duelako, beste ostatu mota batzuek ez bezala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
