70eko hamarkada inguruko amnistiaren aldeko Algortako manifestazio jendetsua baten bideoa ikus daiteke irudiotan. Jabier Bilbatuak helarazi digu lana, eta, azaldu duenez, Super-8 formatuan grabatutako pelikula da, Itxas Gane elkarteko kideek bultzatutakoa.
Jabier Bilbatuak azaldutakoaren arabera, Algortako Itxas Gane elkarteko kideek bultzatu zuten amnistiaren aldeko manifestazio horren grabaketa. Horretarako, Super-8 formatuko pelikulak erosi eta irudiok batzeari ekin zioten. Juan Luis Olaetak grabatu eta muntatu zituen irudiok, 70eko hamarkadan, "baliteke 1977ko manifestazio bateko irudiak izatea hauek", uste du Bilbatuak.
Ikusiko duzuenez, 6 minutuko bideoan beste Algorta bat ageri da.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!