Euskal emakumeek Gerra Zibilean eta Frankismoan izan zituzten erbesteratze-prozesuak ezagutzera emango dituzte Algortan

Getxoko Jabekuntza Eskolak Mugak: joan ziren emakumeak, iristen diren emakumeak tailerra antolatu du maiatzaren 5 eta 6rako, CEAR Euskadi elkartearen laguntzagaz. Herritar guztientzat zabalik, tailerraren helburua da bi iragaitzazko lurralde eta bi une historiko elkarrizketan jartzea, ikuspegi feministatik eta emakumeen esperientzien bitartez.

Euskal emakumeek Gerra Zibilean eta Frankismoan izan zituzten erbesteratze-prozesuak ezagutzera emango dituzte; bai eta Iparraldean eta Mexikon izan zituzten harrera-baldintzak ere, eta zer egin zuten aurrera egiteko. Era berean, gaur egun bi lurralde horiek zeharkatzen dituzten emakumeek nondik ihes egiten duten, mugen politikek nola eragiten duten beren bizitzetan eta gorputzetan, eta zer nolako harrera izan duten Euskal Herrian ere aipatuko dituzte.

Prestakuntzak azalpenezkoa den zati bat eta parte-hartzailea den beste bat izango ditu, Algortako Villamonte kultur etxean, 18:00etatik 20:00etara, bi egunetan.

Parte hartu nahi duten pertsonek doako izenematea egin beharko dute emailez incidencia@cear-euskadi.org helbidean.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun