Aurreko urteetan bezala, udalekuak aste biko txandetan banatuta eskainiko dira: uztailaren 1etik 14ra arte eta uztailaren 15etik 28ra. Txanda bakoitzeko lau egunetan, martitzen eta eguenetan, txangoak egingo dira herritik kanpora. Txangoak dauden egunetan ordutegia 09:00etatik 17:30era izango da, eta gainerakoetan goizeko ordutegian, 09:00etatik 14:00etara. Behar bereziak dituzten umeek beharrezko laguntzak izango dituzte.
Izen-emateak online egin ahal izango dira www.getxo.eus/gazteria helbidean. Halaber, Gazte Informazio Bulegoan ere izena emateko orriak eskuragarri izango dira.
Algortako eta Areeta/Romoko herritarren arretarako bulegoetan, hitzordua eskatuta, hartuko dira betetako izen-emate orriak, baita Gazte Informazio Bulegoan bertan ere.
Eskaera kopuruak plaza kopurua gaindituko balu, zozketa egingo da, eta haren emaitza ekainaren 1etik eta 4ra arteko epean ezagutaraziko da.