Gazteentzako aholkularitza psikologikoko zerbitzua luzatu da

Algortako Gaztelekuan eskaintzen dute zerbitzua.

Gazteentzako aholkularitza psikologikoko zerbitzua urte amaierara arte luzatu da. Getxo Ekinez 2021 programaren barruko jarduketa da, COVID-19aren ondorio sozioekonomikoei aurre egiteko, eta 9.000 euroko aurrekontua du.

Zerbitzu hori, 2010etik Algortako Martikoena kaleko lokaletan ematen ari zen aholkularitza sexologikoaren osagarri gisa, 2020ko urtarrilean hasi zen, Algortako Gaztelekuan, udalerriko 13 eta 30 urte bitarteko gazteei zalantzak argitzen laguntzeko, baita autoestimuagaz, harremanetako segurtasun ezagaz, tristuragaz, antsietateagaz eta bikote-harremanetako zailtasunakaz lotutako ondoez mota desberdinei aurre egiteko ere.

“Aurrekoetan adierazi dugun bezala, pandemia-egoerak, besteak beste, nabarmen eragin du gora egitea ondoez psikologikoek gazteen artean. Horregatik, Getxo Ekinez programan onartutako ekintzei esker, urtarrilean abian jarri genuen zerbitzu hori proba pilotu gisa mantentzeko aurrekontua izango dugu”, Gazteria arloko zinegotzi Gonzalo Ayok adierazi duenez.

Zerbitzua Algortako Gaztelekuko lokaletan ematen jarraituko da, astean behin. Bertaratzeko, hitzordua eskatu behar da aldez aurretik, mezu bat bidaliz, 685 704 118 (Teresa) telefono-zenbakira deituz edo aholkularitzapsikologikoa@getxo.eus posta elektronikoaren bidez.

 

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun