Iaz 30 urte bete ziren talde hondarribitarra sortu zenetik, eta ibilbide laburra izan arren (1990-1996), arrakasta handia izan zuten irlandar erritmoak pop eta rock doinuak uztartuz.
Sorotan Bele gogoan kontzertuaren bidez, taldearen abesti esanguratsuenetako batzuk berreskuratu dira herritako musika bandek interpretatzeko egokituta. Xabier Zabala arduratu da moldaketez, eta horien bitartez taldearen musika ikuspegi berri batetik hurbilduko diote publikoari.
Txarriboda antzezlana
Zapatuan, hilak 29, eskarmentu handiko Hika Teatroa konpainia donostiarrak bere azken lana taularatuko du Muxikebarrin, Txarriboda, hain zuzen ere. Agurtzane Intxaurragaren testuakaz eta Onintze Enbeitaren musika-berbakaz, euskarazko antzerki-kabaret lan honek ezkontza baten ospakizuna kontatzen du, modu lotsagabean, emozio zuzen eta biluzietan hika egiteko. Kontakizun basati gisa planteatuta, nortasuna, familia edo lan-prekarietatea bezalako gaiak jorratzen ditu umorez.
Ikuskizun horretaz gozatu gura baduzu, HIRUKAk 3 sarrera bikoitz zozkatuko ditu. Parte hartzeko sakatu hemen.