Andra Mariko kiroldegia eta Fadurako ikasgelak ireki dituzte

Fadura kiroldegia, barrutik. © GETXOKO UDALA

Getxo Kirolak-ek Andra Mariko kiroldegia eta Fadurako ikasgelak ireki ditu gaur, martitzenean. Azken asteotan osasun-egoeraren hobekuntza dela eta, Getxoko udal kirol erakundeak instalazio irekien zerrenda zabaldu ahal izango du, udal-iturriek iragarri dutenez.

Fadurako ikasgelen kasuan, aldez aurretik erreserba eginda erabili beharko da, Getxo Kirolak-en webgunearen bidez edo jendeari arreta emateko bulegora deituta (944 308 070). Bi txanda ezarriko dira: bata goizekoa (8:30etik 13:00etara) eta bestea arratsaldekoa (15:30etik 20:00etara). Hala, txanda batetik bestera denbora izango da gomendatutako garbiketa- eta desinfekzio-lanak egiteko.Era berean, Andra Mariko kiroldegiak bere ohiko ordutegia berreskuratuko du, eta 8:30etik 21:30era egongo da zabalik, 14:30etik 15:30era itxiz, gelak garbitu eta desinfektatzeko.

Ikasgelen % 60ko gehieneko edukiera ezarri da; beraz, 76 plaza egongo dira erabilgarri, eta ez da beharrezkoa izango aurrez erreserbatzea. Kiroldegiko aldagelei dagokienez, edukiera % 35ekoa izango da.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun