Barikuan, hilaren 18an, Balkoitik Balkoira bertso-saioaren 23. edizioa egingo dute Algortako Zabala eskolako karpan. Arrastiko 20:00etatik aurrera, Oihana Iguaran eta Jone Uria bertsolariak arituko dira kantan, Albek antolatuta. Leku-kopurua mugatuta egongo da, beraz, aldez aurretik izena eman beharko da.
Aurtengo edizioagaz, 23 urte beteko dira lehenengo Balkoitik Balkoira bertso-saioa egiten denetik gurean. Oraingoan, baina, osasun-neurriak direla eta, ekimena Algortako Zabalako karpara lekualdatuko dute. Hala, leku-kopurua mugatua egongo denez gero, aldez aurretik izena eman beharko da albegetxo@gmail.com helbide elektronikora idatzita edo 605 704 385 telefono zenbakira deituta.
Albe Eguna, zapatuan
Horrez gainera, hurrengo egunean, ekainaren 19an, Albe Eguna ospatuko dute. Eguneko plana hurrengoa izango da:
- 10:00etan Areetan gosaria
- 11:15ean tourra itsasontziz
- 12:00etan ibilaldi girotua
- 14:30ean bazkaria Mendibilen
Horretarako izen-emate epea ekainaren 6an itxi zuten.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
