Portu Zaharreko San Nikolas kaleko 23. zenbakiko eraikinaren estalkia birgaitzeko obraren lehenengo lanak abiatu zituzten atzo, astelehenean. Jardueraren helburua da eraikina faseka birgaitzea, bai eraikinaren estalkian bai terrazan, baldintza oso eskasetan baitaude, etorkizunean egin daitezkeen jarduerak baldintza hobeagoetan hartzeko.
San Nikolas kaleko eraikina birgaitzeko obrak egiteko epea 22 astekoa da, eta lanetan egingo den inbertsioa 149.095 eurokoa da (BEZa barne).
Udal-titulartasuneko eraikina 1890ean eraiki zen, eta 1948an Miguel Beascoa Arribi arkitektoak zaharberritu zuen. Babestua dago, Algortako Portu Zaharreko hirigune historikoa osatzen duen multzoaren zati baita.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!