Getxo Lagunkoia proiektuko "Josketa solidarioa"-ren tailerreko kideek urteko lehen seihilekoan egindako lanen salmentagaz lortutako zenbatekoa (3.900 euro) eman zioten Aspanovas elkarteari atzo Romo Kultur Etxean.
Tailer horretan adinekoek, lan solidarioa egiteaz gain, beren aisia modu sortzailean eta parte-hartzailean bizi izaten dute, eta aldi berean bizikidetza, gizarte-harremana eta entretenimendua sustatzen ditu ekimenak, bakardade-egoera posibleak prebenitzeko.
Aspanovas elkarteak, bere jardunaren barruan, haurren minbizia ikertzeari ekiten dio.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
