Getxoko Udalak 31.650 euro onartu ditu euskara edo euskal kultura sustatzeko ekintzak egiten dituzten udalerriko elkarte, erakunde edo enpresarentzat, euskaraz bizi nahi duten herritarrei horretarako aukerak bermatze aldera, Euskara Sustatzeko Ekintza Plan Estrategikoak jasotzen duenaren arabera.
Deialdiak bi ildo ditu. Lehenengoa, 11.200 eurogaz, euskarazko jarduerak antolatzeko lokal baten gastuetan laguntzeko. Eskaerak aurkezteko epea datorren uztailaren 2ra arte egongo da zabalik.
Bigarren ildoa, 20.450 eurogaz, auzoetako Olentzeroak antolatzean sortzen diren gastuetan laguntzeko da. Eskaerak aurkezteko azken eguna urriaren 17a izango da.
Eskaerak era telematikoan egin beharko dira Administrazio Elektronikoko Bulegoaren bitartez.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!