Aurten, Algortako San Inazio jaietako kultur ekitaldiak udagoienean egingo dira. Hala ere, bitartean, ALBEk bertso-saio bi egingo ditu egunotan Tellagorri plazan, 13:00etan. Horietarako lekua izateko, aldez aurretik lekua eskatu beharko da, 605 704 385 zenbakira edo albegetxo@gmail.com helbidera idatzita.
Uztailaren 24an Onintza Enbeita, Amets Arzallus, Ane Zuazubiskar eta Kerman Diaz bertsolariek kantatuko dute, eta 25ean Andoni Egaña, Erika Lagoma, Nerea Elustondo eta Imanol Uria izango ditugu bertsotan.
Aforo murritzagatik eta segurtasuna bermatzeko, izena ematea ezinbestekoa izango da.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!