Bizkerre berritu batek denboraldiari hasiera eman dio jada

© BIZKERRE

Bizkerreko Lehen Mailako taldeak bere burua aurkeztu zuen atzo, astelehenean. Azaldu dutenez, talde berritua izango du 2021-2022 denboraldian, hainbat jokalarik baja eman dutelako edo euren kirol-ibilbideari amaiera ematea erabaki dutelako. Hala, harrobiko jokalariakaz bete dituzte hutsuneak, azaldu dutenez.

Atzo, astelehenean, Bizkerreko lehen taldeak Faduran hasi zen aurre-prestaketa lanak egiten. Lehen Maila Nazionaleko jokalariak aurkeztu zituzten, eta, azpimarratu zutenez, espero dute 2021-2022 denboraldia aurrekoa baino "normaltasun handiagokoa" izatea.

Talde berritua aurkeztu zuten, hainbat jokalarik baja eman dutelako edo kirol-ibilbideari amaiera ematea erabaki dutelako; "berrikuntza hori harrobiko jokalariekin egin da batez ere", azaldu dute.

Teknikariei dagokienez, Iñigo Juaristi izango da lehen entrenatzailea, eta Vanessa Rodriguez bigarrena. Ander Hermosa prestatzaile fisikoa izango da, Dani Arbaiza arduratuko da atezainen prestakuntza espezifikoaz eta Fran Espada talde teknikoa osatuko du analista gisa.

Bizkerre Emakumezkoen Lehen Nazionaleko bigarren taldean lehiatuko da, eta irailaren 5ean Boluen Santanderreko CDE Racing Féminasen aurka izango du lehen norgehiagoka. Taldeak ilusio handiz hasiko du denboraldia, eta gogo handiko taldeen kontra lehiatu ahal izateko asmoz.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun