2021eko udako kultur egitarauak

Jai-batzordeak ohartarazi du aurten ere ez dela Portu Zaharreko jairik egongo

© Portu Zaharreko Jaiak Algorta

Bigarren urtez jarraian, COVID-19aren pandemia dela eta, Portu Zaharreko jai-batzordeak erabaki du, "denok ezagutzen ditugun jaiak ez diren bitartean", ez dela inolako festarik egongo portuan. Era berean, iragarri dute ez dutela ekitaldirik antolatuko urriko kultur astean.

COVID-19aren pandemiaren egoera epidemiologikoa ez da batere ona, ez EAEn, ezta Getxon ere. Hori dela eta, aurten ere ez da Portu Zaharreko jairik egongo egunotan. Horixe gogoratu du jai-batzordeak gaur, abuztuaren 12an, Bariko Nikola Deuna, Portu Zaharreko jaietako zaindariaren eguna, ospatzen dela aprobetxatuta.

Horrenbestez, herritarrei dei egin diete Portura ez jaisteko egunotan: "Jai gehiago bizi behar ditugu elkar, eta zaila da berriro eskatzea mesedez Portura ez etortzeko".

Era berean, jai-batzordeko kideek iragarri dute ez dutela urtean zehar beste inongo ekitaldi edo festarik antolatuko, "Portu Zaharra jendetzetatik babestu nahian". Hartara, ez dute ekitaldirik antolatuko urriko kultur astean.

Zer dira zurentzako Portu Zaharreko Jaiak?

Gabezia nolabait arindu guran, jai-batzordeko kideek herritarrei galdera bat egin die, baita erantzunakaz bideo bat grabatu ere. Emaitza ikusi gura? Hona hemen emaitza:

Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun