Gizon bat larri zauritu dute gaur goizaldean, beste gizon batek hautsitako botila bategaz eraso egin dionean. Gertaera 07:30ak aldera jazo da, Bidezabal eta Algortako metro-geltokien artean.
Bilboko metroko konboien barruan gertatu da erasoa, gizon bi borrokan hasi direnean. Bidezabaleko geltokira iristean, ustezko erasotzaileak botila hautsi bategaz eraso egin dio besteari, eta lesio larriak eragin dizkio masailean eta lepoan.
Algortan, zauritutakoa artatu dute, eta anbulantzia batek Gurutzetako ospitalera eraman du. Bestalde, erasotzaileak ihes egin du, baina Ertzaintzak identifikatu eta haren bila dabil atxilotzeko.