Izakinen Amaierako Merkatua Getxon, irailaren 15etik 18ra

Herriko merkataritza bultzatzeko eta udalerrian dagoen eskaintza ikusarazteko, irailaren 15etik 18ra, Izakinen Amaierako Merkatuaren beste edizio bat egingo dute Getxon. Aurrekoetan bezala, udalerriko saltokiek askotariko produktuak eskainiko dizkiete bezeroei, "arrazoizko prezioetan".

Aurreko edizioen ondoren, 2020ko irailekoa (online sustapen-kanpainak ordezkatu zuena) eta 2021eko martxokoa (establezimenduen barruan egin zena), Udalak kanpainaren funtsa berreskuratu du, esekitoki eta mahaien bidez, produktuak kalera ateratzeko aukera emanez. Denden kanpoaldean denetarik izango dute: modako artikuluak, kirola egitekoak, oinetakoak, lentzeria, liburuak, altzariak, osagarriak…

Eguraldi txarrak kanpoan merkatuaz gozatzeko aukerarik emango ez balu, irailaren 21era arte luzatzea aurreikusi dute.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun