Ohi legez, irailean itsas doinuak helduko dira Getxora

Artxiboko irudia.

Habanerak eta itsas doinuak izango dira protagonista nagusi Getxon asteburu honetan. Gaurtik domekara bitartean, 35. Habanera Jaialdia ospatuko dute Muxikebarri Antzokian, eta bertan arituko dira Rondalla al Sejo talde kantabriarra, Granollerseko Ultramar laukotea eta Itxartu eta Biotz Alai bertoko abesbatzak. Saio guztiak 19:00etan izango dira eta sarrerak oraindino eros daitezke Getxoko Kultur Etxeko ohiko saltokietan.

Barikuan, irailak 10, Rondalla Al Sejo Castro taldeak irekiko du jaialdia. Castro Urdialesen 1995. urtean sortu zen, zenbait tuna eta errondailetatik igarotako lagun talde batek bere instrumentuak hautseztatu eta Gabon bezperan herrian zehar kalejiran irten zirenean. 26 urteko ibilbidean zehar, eskualde osoan zehar jardun dira euren doinuak zabaltzen, eta Euskadiko zenbait habaneren lehiaketatan ere parte hartu dute, beren errepertorioa osatzen duten abestien ugaritasunagatik arrakasta handia lortu dutela: habanerak, boleroak, Karibeko eta Andeetako erritmoak…

Bigarren egunean, irailak 11, Ultramar laukotearen txanda izango da, Kataluniako talde berritzaile, dinamiko eta sortzailea, estilo propioa duena. Abestien moldaketa musikal zainduak egiten dituzte, ahotsen bariazioa eta harmonia, eta nazioarteko zein errepertorio tradizionaletik nahiz berezko konposizioetatik eta beste egile garaikide batzuengandik aukeratutako jatorrizko gaien interpretazio pertsonala . Berrikuntzarik berriena "Ánima d'Havanera" proiektu musikal berriaren grabazioa da. Bertan, Allá en La Habana, Yo te diré, El darrer Jorn, El Mariner i La Xiqueta, Rosó, Veinte años eta antzeko abestiak topatu ditzakegu.

Azkenik, domekan, jaialdia ixteko, herriko bi talde arituko dira: Itxartu eta Biotz Alai abesbatzak. Getxon habanerak eta itsas musika duten errotze handia erakutsiko dute biek. Itxartu Abesbatzak irekiko du emanaldia, Getxon eta Getxotik kanpo hainbat ziklo eta ospakizunetan aritzen den Jesus Antruejok zuzendutako 35 ahots mistoz osatutako taldeak, hain zuzen ere. Ondoren, Biotz Alai, Juanlu Diaz Enparantzak zuzendutako ahots baxuen korala jardungo da, mende erdi baino gehiagoko ibilbidea duena eta Euskal Herrian zein kanpoan hainbat kontzertu, jaialdi eta lehiaketatan parte hartu duena.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun