Izaera juridiko propioagaz, etekin asmorik gabeko elkarteek eskatu ahal izango dute aipatutako tokien erabileraren ematea, Getxoko Udalean edo Eusko Jaurlaritzan erregistratuta baldin badaude eta Gizarte Zerbitzuakaz kolaboratzen badute.
Gizarte Kohesioko jarduera eremuan lan egiten duten hirugarren sektoreko elkarteentzat dira aipatutako guneak. Bestalde, noizbehinkako jardueretarako guneen erabileraren ematea ez da deialdi honetan aurreikusten, hori urte osoan zehar eska baitaiteke, eta ematea libre dagoen tokia eta ordutegiaren araberakoa izaten da.
Eskaerak administrazio elektronikoaren bulegoaren bitartez aurkeztea gomendatu dute, eta posible ez izatekoetan, Gizarte Zerbitzuek Algortan (Urgull kalean, z/g) duten egoitzan (aurretiko hitzorduarekin 944 660 151 zenbakian) entregatu ahal izango dira, edo legeak aurreikusitako tokietan ere.
Gobelaurre zentroak 463 metro koadroko azalera du eta egoitzetarako tokiak, aldi baterako jardueretarako espazioak (tailerrak, prestakuntza- ikastaroak…) eta noizbehinkako jardueretarako ere (jardunaldiak, bilerak…) ditu.