Uribitakora

Lapurrak eta Sorkinak ez erre

Hemen duzue entzungai Nahikari Ayo Acebo ALBEko kideak maiatzeko HIRUKArako bidalitako argazkiari emandako erantzun ederra.

Eguzkiak alde egindakoan
hutsik daukagu larrea,
egurra batu ta sua piztuz
gailenduz usain errea.
Batu gaitezen gure sorginei
eginez gorazarrea:
dantza, irrintziak, zoramena
algara eta barrea;
presta gaitezen, goza dezagun
has dadila akelarrea!

Ezkutuan ta zuhaitz artean
ibiltzen ziren horrela,
ukenduak egiten bazuten
jakinduria itzela.
“Sorgin madarikatu horiek
akabatu ditzatela!”.
Sorgin ehiza abiatu zuten
hau bai gizarte ustela…
Lehen debeku ugari zituzten
orain gurean bezela.

Inkisizioak hartu zuen
XVII.mendea,
Zugarramurdin hedatu egin zen
sekulako atsekabea.
Hainbeste_emakume epaituta
erretzea zen bidea?
Kontatu ziguten historia
ez zen horrela, ordea,
egitik gaur dakigunerarte
itzela dugu aldea.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun