"Emakume migratuen topaketa" programak 2021-2022ko ikasturtearen saioetarako izen-ematea zabaldu du. Saioen helburua da parte hartzen duten emakumeei laguntza eta elkartasunerako gunea eskaintzea, bertan eskubideak eta baliabideak ezagutu eta osasun fisiko eta emozionala hobetu ahal izateko, besteak beste. “Topaketek zailtasunak, zalantzak, herri-minak, eta adiskidetasuna partekatzea ahalbidetzen dute, poztasunekin, erronkekin, ametsekin eta ikasketa berriekin batera, harrera-hirian”, azaldu du Carmen Diaz Gizarte Kohesioko zinegotziak.
Saioak doakoak dira, eta migrazioak dakartzan erronkak pertsonalki eta profesionalki bizi izan dituzten bideratzaileak egongo dira. Hitzorduak zapatuetan, txandaka, batean bai eta bestean ez, 17:00etatik 20:00etara izango dira, Emakumeentzako Jabekuntza Eskolan (Algorta, Martikoena, 16). Lehenengo saioa urriaren 16an izango da. Haurtzaindegi zerbitzua egongo da, aurretik eskatuta.
Izen-ematea
Parte hartu gura duten emakumeek izena eman ahal izango dute Herritarren Arretarako Bulegoetan ( 944 660 000 zenbakian aurretiko hitzordua eskatuta), udal webgunean (www.getxo.eus/eu/inmigracion) edo 655 603 809 telefono zenbakian.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
