Algortako Dendak elkarteak, Getxoko Udalaren babesagaz, "Aurkitu eta irabazi" kanpaina jarri du martxan berriro ere. Oraingoa bosgarren aldia izango da egiten dutena, urriaren 20tik hasita azaroaren 20ra arte iraungo duena.
Aurten inoiz baino parte-hartzaile gehiago izango ditu "Aurkitu eta irabazi" ekimenak: 64 saltoki eta ostalaritza-gune. Establezimendu horiek txartel bana emango diote bezero bakoitzari erosketa bakoitzaren edo kontsumitutakoaren truke. Horiek berehala jakingo dute beren txartelak sarituak dauden ala ez; kasu batzuetan, establezimendu berean jasoko du oparia; beste batzuetan, aldiz, kanpainari atxikitako beste establezimenduren batean trukatu beharko da txartela.
Opariak trukatzeko epea azaroaren 30ean amaituko da.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
