Joan den zapatuan, hilaren 16an, 50 bat lagun bildu ziren Algortako Azebarri kultur elkartean "Urratsez urrats askatasunera!" izeneko jardunaldian parte hartzeko. Ekimen hori Euskal Herriko eskualde ezberdinetatik ibiliko den hitzaldi-zikloaren parte da, pedagogia independentista hedatzea helburu duena.
Asisko Urmenetak hartu zuen hitza lehenik, estrategia eta praktika askatzaileen inguruan aritzeko. Ondoren, mugimenduaren oinarri ideologikoak aurkeztu eta azaldu zituzten. Antolatzaileek azaldu dutenez, horren harira, bertaratutakoen arteko solasaldi interesgarria piztu zen, non hainbat kezka eta ideia partekatu zituzten: "Jardunaldi oparoa, zalantzarik gabe".
Dinamikaren hurrengo geltokiak Altsasu eta Maule izango dira.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!