Mota ezberdinetako zentroen eskola orduz kanpoko euskarazko hezkuntza-eskaintza gaurkotu dute

Getxoko Udalak gaurkotu du udalerrian ume eta gazteentzat euskaraz dagoen mota desberdineko zentroen eskola orduz kanpoko hezkuntza-eskaintza, eta liburuxka batean bildu du, Getxon Hazi eta Hezi izenburupean. “Udalak, zentroekin elkarlanean, familiei lagundu nahi die eta, egun eskolatik kanpo euskaraz ikasten jarraitzeko dagoen aukera hurbiltzen, euskararen erabilera sustatze aldera”, azaldu du Irantzu Uriarte Euskara zinegotziak.

Une honetan, 31 zentrok eskaintzen dituzte jarduerak hurrengo esparruetan: aholkularitza psikopedagogikoa, eskola laguntza, pintura eta eskulanak, informatika, euskara, musika, sukaldaritza eta zirkua.

Zentro horiek etengabe lan egiten ari dira euskarak gero eta presentzia handiago izan dezan, eta egun 150etik gora profesional euskaldun ari dira lanean zentroetan.

Foiletoa gaurkotzeaz gain, Udalak 200 kartel eta 2.000 postal ere banatu ditu, eskaintzaren berri udalerrian zabaltzeko.  

Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun