“Inklusiora bidean” leloagaz, urriaren 29an, barikuan, 18:00etan, Areetako Andres Isasi Musika Eskolak hitzaldia, tailerra, erakusketa eta kontzertua hartuko ditu Ondarearen Europako Jardunaldien egitarauaren barruan. Jardunaldi horiek dibertsitatea duten pertsonak esparru artistikoan integratzera bideratuta daude.
Andres Isasi Musika Eskolaren hezkuntza-eskaintzaren baitan, ekintza bat egingo dute aniztasun funtzionala duten pertsonek gozatzeko aukera izan dezaten musikak eta hura hainbat mailatan praktikatzeak eskaintzen dizkiguten onurez. Oraingo honetan, tailertxo bat izango da, zeinean lana nola egiten den azalduko den eta aukera izango dute kontzertutxo batera joateko.
Plaza kopurua mugatua da. Informazio gehiago eta erreserbak Musika Eskolan bertan: 944 646 011 telefono zenbakira deituta.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
