Getxo Kirolak-ek Fadura kiroldegiko tenis-pista estaliak berritu ditu. Hain zuzen ere, sei pista daude, eta horien gainazala konpondu, margotu eta leundu dute; guztira, 44.000 euroko aurrekontua izan dute lanek.
Pistak hobetzeko jarduera, Munduko Sokatira Txapelketan parte hartu zuten kirolarientzako Fadurako instalazioetan egokitu ziren boxak jarri ondoren egin dute, eta udaleko kirol-erakundeak antolatzen dituen kirol-ikastaroen denboraldia eta tenis kluben entrenamenduak hasi aurreko denbora aprobetxatuz gauzatu dute.
Bestalde, aurreikusita dago laster pisten estalkia konpontzeko lanak egitea, ekipamendu horri eragiten dioten zenbait ur-iragazketak konpontzeko.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!