Datorren azaroaren 11n, eguenean, hasiko da Skolastika Feminismo Mintegia. Lehenengo saioa Getxo Elkartegian izango da, eta lehenengo aldia izango da mota horretako egitasmoa egiten dena Getxoko Udalaren Emakumeentzako Jabekuntza Eskolaren egitarauaren barruan. Saio horretako gaia "Emakume gazte eta nerabeen aurkako indarkeriak telebistako telesail berrietan" izango da, Josune Muñoz filologo eta ikertzailearen eskutik. Solasaldian, gero eta sotilagoak, baina, hala ere, intentsuak diren indarkerien normalizazio prozesuez mintzatuko dira. Horiek sareak eta teknologia berriak erabiltzen dituzte emakume gazteenak kontrolatzeko.
Carmen Díaz Gizarte Kohesioko zinegotziak azaldu duenez, "Berdintasunaren Zerbitzutik eskaintzen ditugun mota honetako espazioak funtsezkoak dira kontzientzia hartzeko eta berdintasunean eta emakumeenganako indarkeriaren aurkako borrokan aurrera egiteko. Gaur egun gehien ikusten diren serieetatik oso gutxi dira emakumeek idatziak edo zuzenduak. Kultura patriarkal batean murgilduta bizi gara, non emakumeen aurkako indarkeria toki askotan mamitzen den, baita telesailetan ere". Ildo horretan, Diazek uste du "komeni da aztertzea nola saio askotan ohikoa dela emakumeen aurkako sexu-erasoak asimilatzea eta normalizatzea, eraso horiek pairatzeko ahultasuna edo haien gorputzari buruzko ezagutzarik eza, baita emakume gazteei buruz ematen den irudi hipersexualizatua ere".
Mintegiak azarotik datorren urteko maiatzera (hilabetean behin) gai desberdinei buruzko saio monografikoak eskainiko ditu. Solasaldietarako sarrera irekia izango da eta ez da izen-ematea egin behar.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
