Barikuan erori zen, euriteen ondorioz

Algortako Usategiko kafetegiaren hegaleko horma egonkortu dute

Joan den asteko euriteen ondorioz, Algortako Usategiko kafetegiko terraza zaharreko hormetako bat erori zen barikuan, hilaren 5ean. Getxoko Udalak jakinarazi dutenez, gunea egonkortu dute, eta toldoakaz babestu dute. Halaber, zehaztu dute egitura berriaren kalkulua lantzen ari direla eta, materiala hornitu bezain laster, hura berreraikitzen hasiko dira.

Terrazako horma ingurua birgaitzeko obrak egiten ari diren eremuaren barruan erori zen barikuan, azaroaren 5ean. Udal iturriek zehaztu dutenez, horma horrek ez zuen inolako patologiarik, "eta gauzatzen ari zen proiektuak ez zuen bertan egokitzapen estetikoa baino jarduketarik egiten".

Uda-zerbitzuen jardueraren ondoren, eremua segurtatuta eta itxita geratu da, "eta, beraz, printzipioz ez da arriskurik egongo zonarentzat".

Galeako Euskalmeten behatokiaren arabera, Getxon 80 litro euri baino gehiago bota zituen joan den barikuan eta, ondorioz, Getxoko hainbat eremutan zuhaitz batzuk erori ziren, bai espazio publikoetan, bai pribatuetan, Algortako jabeen erkidego baterako sarbideetako horma pribatuak bezalaxe.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun