Memoriaren Eguna dela-eta, eta Eusko Jaurlaritzaren deialdiari jarraituta, Amaia Agirre Getxoko alkateak eta EAJ, PSE-EE, EH Bildu eta Elkarrekin Podemoseko udal ordezkariek elkarretaratze isilean parte hartu dute gaur udaletxearen aurrean egindako omenaldian. PPk ez du bozeroalerik bidali ekitaldira.
“Bakearen alde egin zenuten guztioi, eskerrik asko!” lemaren pean, “bakearen alde aurkeztu ziren pertsona, elkarte eta mugimenduei eskerrak emateko ekitaldia” izan da. “Egoera txarrenetan ere, bizikidetza demokratikoa eta giza eskubideen eta bakearen defentsan oinarritutako gizartea eraikitzen eta defendatzen ahalegindu diren pertsonen konpromiso zibikoa nabarmendu nahi da”.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!