Ereagako igogailuak gaur, eguenean, berrezarri du zerbitzua, gaur goizean bertan ekipamenduaren funtzionamendu egokia ziurtatzeko azken probak egin eta gero. Azken egunotan egin dira funtzionamendu proba horiek, joan den urriaren 30eko goizaldean gertatutako ekintza bandaliko baten ondorioz instalazioak jasandako kalte larriak konpontzeko lanak amaitu ondoren.
Udal iturriek azaldu dutenez, joan den urriaren 30ean, ezezagunek supermerkatuko erosketa-orga bat bota zuten instalaziora, eta igogailuak harrapatu egin zuen hurrengo egunean, hura martxan jartzean, eta hainbat puntutan katigatu zen.
Epe luzeak hornidura-merkatuan
Konponketa-lanak joan den astearen amaieran hasi ziren, baina atzeratu egin dira gaur egun hornidura-merkatuan behar diren materialak lortzeko dauden zailtasunen eta hornitzaile ofizialen entrega-epe luzeen ondorioz. Hori horrela izanik, igogailuko erretilu kaltetuak ez daude stockean, eta ‘exprofeso’ fabrikatu behar izan dira tailer laguntzaile batean; beraz, ahalegin gehigarria egin behar izan da, material espezifikoak lortzeko eta konponketa-lana behar bezala gauzatzeko beharrezkoa den koordinazioa lortzeko.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
