Uribitakora

Sasiek jandako alorra

Hemen duzue entzungai Josu Landeta Egurrolak ALBEko kideak azaroko HIRUKArako bidalitako argazkiari emandako erantzun ederra.

Doinua: Ursus tibetanus

Begira gure proiektu ederra,
ez du fruiturik izango!
Begira gure lurren promesa,
hortik ez dugu ezer jango!
Gure herrialde honetan bada
hamaika alor holango;
gure behorra ugalkor barik
suertatu zaigu mando,
balizko errotak irinik ez du
sekula ere emango.

Gure kultura eraikitzeko
izan genuen irrika,
horrexen alde herritar batzuk
elkartu gara aldika.
Gobernariek, aldiz, non dute
ilusioa jarrita?
Tresnak maltzurki lorrinduz dabil
legeen erretolika,
eta sasiek janda daukagu
gure hizkuntz politika.

Euskalgintzaren alorrak badu
maiz halako utzikeria,
martxan hasteko behar genukeen
babesa dugu nagia.
Borondatea dugu lehenik
lan ororen ataria,
baliabide materiala
behar den makineria;
belar gaiztoak erausi ezkero,
baietz landa izan joria!

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun